कपिलवस्तुमा मोटरसाइकल एक आपसमा ठोकिदा २ जना घाइते

मायादेवी अनलाइन, चन्द्रौटा ।
कपिलवस्तुमा दुई मोटरसाइकल एक आपसमा ठोकिदा २ जना घाइते भएका छन् । जिल्लाको शिवराज शिवराज नगरपालिका ५ शशस्त्र चेक प्वाईन्ट नजिक मोटरसाइकल एक आपसमा ठोकिएका हुन् । पुर्व पश्चिम राजमार्ग अन्तरगत पुर्ववाट पश्चिम तर्फ जादै गरेको लु २८ प ७२१७ नं को मोटरसाइकल र बिपरित दिशा बाट आउदै गरेको लु ५२ प ९८२१ नम्बरको मोटरसाइकल एकआपसमा ठक्कर खाएका थिए ।
दुर्घटनामा मोटरसाइकल चालक शिवराज ५ बस्ने ४५ बर्षिय बल बहादुर बिकलाई उपचारको लागि बटजल पठाइएको छ । उनको दुवै खुट्टा र हातमा चोट लागेको वडा प्रहरी कार्यलय चन्द्रौटाले जनाएको छ । यस्तै दुर्घटनामा शिवराज १ बस्ने ५० वर्षका बालकराम बुढामगरको टाउको र हातमा चोट लागेको छ । उनको अवस्था सामान्य रहेकाले संजिबनी अस्पताल चन्द्रौटामा उपचार भएको थियो । उपचार पछि घाइते दुबैलाइ साझ ५ बजे डिस्चार्ज गरिएको थियो ।