कपिलवस्तुकी एक महिलाले आफ्नै शरीरमा आगो लगाइन !

मायादेवी अनलाइन, बुद्धभूमि ।
कपिलवस्तुकी एक महिलाले आफ्नै शरीरमा आगो लगाएर आत्महत्या गरेकी छ्नि । बुद्धभूमि नगरपालिका वडा नं. ६ मौवा बैरिहवा निवासी २५ बर्षीय शिला नाउले आफ्नै घरको कोठा भित्र आफ्नै शरिरमा मट्टितेल छर्केर आगो लगाई आत्महत्या गरेकी हुन् ।
उनी जगदिश नाउको श्रीमती हुन् । आगो लगाउदा जलेर घाईते भएकी नाउलाई अस्थायी प्रहरी पोष्ट राजपुरबाट खटिएको प्रहरी टोलीले तत्काल उपचारको लागि जिल्ला अस्पताल तौलिहवा पठाए पनि उनको ज्यान गएको हो ।
गम्भिर अबस्थामा रहेकी उनलाई उपचारको क्रममा तौलिहवा लगिएको थियो । आगो किन लगाइन अनुसन्धान भैरहेको जिल्ला प्रहरी कपिलवस्तुले जनाएको छ ।