म्याजिक भ्यान पल्टिँदा चितवनमा एकको मृत्यु, तीन घाइते

चितवन ।
म्याजिक भ्यान अनियन्त्रित भई पल्टिँदा एकजनाको मृत्यु भएको छ। माडी नगरपालिका ४ सीतलपुरका २२ वर्षीय निसा नेपालीको मृत्यु भएको जिल्ला प्रहरी कार्यालय चितवनले जनाएको छ। रामनगरबाट भरतपुरतर्फ आइरहेको ना१ज ५२९९ नम्बरको म्याजिक भरतपुर महानगरपालिका १ आँपटारी नजिकै पानी ट्यांकी ओरालोमा बिहान १०स्४५ बजे पल्टिँदा चारजना घाइते भएका थिए। गम्भीर घाइते नेपालीलाई उपचारका लागि भरतपुरतर्फ ल्याउँदै गर्दा ११ः०५ बजे बाटैमा मृत्यु भएको चितवनका प्रहरी नायब उपरीक्षक एक नारायण कोइरालाले जानकारी दिए। अन्य घाइते तीन जनाको भरतपुरमा उपचार भइरहेको छ भने म्याजिक र चालक प्रहरीका नियन्त्रणमा रहेको प्रहरीले जनाएको छ।