कपिलवस्तुको वाणगंगामा ट्याक्टर पल्टिदा दुई जनाको मृत्यु

मायादेवी अनलाइन, वाणगंगा ।
कपिलवस्तुको वाणगंगामा शनिबार राती ट्याक्टर दुर्घटना हुँदा दुई जनाको घटनास्थलमै मृत्यु भएको छ । जिल्लाको वाणगंगा नगरपालिका वडा नं. १ बुङ्ची स्थित कोपवा जाने मोडमा ट्याक्टर दुर्घटना हुँदा दुई जनाको मृत्यु भएको हो ।
मृत्यु हुनेमा वाणगंगा नपा वडा नं. १ का चालक २७ बर्षीय रामु थारु र सोही वडाकै १७ बर्षीय रञ्जित बोटे रहेको इलाका प्रहरी कार्यालय पिपराले जनाएको छ ।
राती सवा नौ बजे चारनम्बर जीतपुरबाट कोपवा जाने क्रममा लु ३ त ७२७२ नं.को ट्याक्टर पल्टिदा अन्य दुई जना घाइते भएका छन् । तीव्र गतिमा रहेको ट्याक्टर अनियन्त्रित भई पल्टिएको हुन सक्ने प्रहरीको प्रारम्भिक अनुमान छ ।
ट्याक्टर पल्टिदा चालक थारु र बोटे च्यापिएका थिए । उनीहरुलाई एक्साभेटरले निकालेको प्रहरीले जनाएको छ ।