गुडिरहेको जीप माथि पहिरो खस्यो, एक जनाको मृत्यु, आधा दर्जन घाइते

बुटवल ।
बुटवल–पाल्पा सडक खण्डको दोभान हेडबक्स नजिकै सडक माथिबाट खसेको पहिरोले शुक्रबार बिहान २ वटा जिप पुरेको छ ।

पहिरोमा पुरिएर १ जनाको मृत्यु भएको भने अन्य ६ जना घाइते भएको प्रहरीले जनाएको छ । मृत्यु हुनेमा चालक कमल परियार रहेका छन् । पाल्पाबाट बुटवल आउँदै गरेको लु २ च ५९३८ जीप र बुटवलबाट पाल्पातर्फ जादै गरेको लु १ ज २६१७ नम्बरको जीपलाई सडक माथिबाट खसेको ढुंगासहितको पहिरोले पुरेको दोभान प्रहरी चौकीले जनाएको छ ।

बुटवल आउँदै गरेको जीपमा सवार चालकसहित ३ जना घाइते छन् भने पाल्पा जादै गरेको जीपमा पनि चालकसहित ४ जना मात्रै सवार थिए । घाइतेहरुलाई उपचारका लागि बुटवलतर्फ ल्याइएको छ । पहिरो ठुलो भएकाले सिद्धार्थ राजमार्ग अवरुद्ध भएको छ । पहिरोले अवरुद्ध राजमार्ग संचालनका लागि प्रयास थालिएको दोभान प्रहरी चौकीले जनाएको छ  । थप विवरण आउन बाँकी रहेको छ।