कस्तो होला आजको मौसम ?

काठमाडौँ ।
देशका अधिकांश क्षेत्रमा आंशिकदेखि सामान्य बदली भएको छ । थोरै स्थानमा हल्का वर्षा भइरहेको जल तथा मौसम पूर्वानुमान महाशाखाले जनाएको छ ।
शुक्रबार दिनभरि देशभरको मौसम सामान्य बदली रही मध्य र पूर्वका केही स्थान तथा पश्चिमका थोरै स्थानमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको मौसमविदले बताएका छन् । मध्य र पूर्वका एक–दुई स्थानमा ठूलो पानी पर्ने सम्भावना छ ।
यस्तै राति देशभरिको सामान्य बदली रही केही स्थानमा मेघ गर्जन तथा चट्याङ्गसहित हल्कादेखि मध्यम वर्षा हुने जनाइएको छ । पहाडी क्षेत्रका एक–दुई स्थानमा राति ठूलो पानी पर्न सक्ने मौसमविदले बताएका छन् ।