बहादुरगञ्जमा शौच गर्न गएकी महिला मृत फेला

प्रिंस मिश्रा, बहादुरगञ्ज ।
कपिलवस्तुको कृष्णनगर नगरपालिका–८ बहादुरगंजमा मंगलबार बिहान शंकास्पद अवस्थामा महिलाको शव फेला परेको छ ।
स्थानीय ३२ वर्षीय संगीता कलवारको शव घर नजिकै फेला परेको हो । बिहान साढे तीन बजेतिर शौचालय गर्न गएकी आमा २ घण्टासम्म नफर्किए पछि मृतककी १२ वर्षीय छोरी सालु कलवार खोजिका लागि जाने क्रममा घर नजिकैको झाडीमा आमाको शव भेटाएकी थिइन् ।
शव पोष्टमार्टमका लागि शिवराज अस्पतालमा पठाइयेको छ । उनको घाँटीमा निलडाम देखिएको र घटनाबारे अनुसन्धान भइरहेको इलाका प्रहरी कार्यालय वहादुरगंजका प्रहरी नायव निरीक्षक अभय राउतले बताउनुभएको छ ।