हिरोको ‘टप सर्भिस प्रोभाइडर अवार्ड’ कपिलवस्तुका नारायण पौडेललाई

मायादेवी अनलाइन, कपिलवस्तु ।
हिरो मोटरसाइकलको आधिकारिक विक्रेता कपिलवस्तुको सिद्धार्थ ट्रेडर्सले ‘टप सर्भिस प्रोभाइडर अवार्ड’ प्राप्त गर्न सफल भएको छ । हिरो मोटरसाइकलका मुलुकभरका डिलरहरुमध्ये आर्थिक बर्ष २०१८ । १९ मा उत्कृष्ट सर्भिसिङ सेवा दिए बापत सिद्धार्थलाई सो अवार्ड प्रदान गरिएको कम्पनीले जनाएको छ ।

राजधानीमा एक कार्यक्रम गरी कम्पनीका चेयरमेन अभिषेक ज्योतिले सिद्धार्थका प्रबन्धक नारायण पौडेललाई अवार्ड प्रदान गर्नुभएको थियो । गत बर्ष पनि मोटरसाइकल किनबेचमा मुलुककै दोश्रो उत्कृष्ट डिलरको रुपमा सिद्धार्थले अवार्ड हात पारेको थियो । अवार्ड प्राप्त गरेपछि पौडेलले आफूलाई अटो क्षेत्रमा काम गर्न थप हौसला प्राप्त भएको बताउनु भयो । गत बर्ष मुलुककै उत्कृष्ट डिलरको अवार्ड धनगढीले हात पारेको थियो ।