राफायल नाडालले चुमे युएस ओपन टेनिसको उपाधि

एजेन्सी ।
राफायल नाडालले संघर्षपूर्ण खेलमा जित निकाल्दै युएस ओपन टेनिसको उपाधि जितेका छन् ।

नेपाली समय अनुसार सोमबार बिहान भएको फाइनलमा रुसका ड्यानिल मेडभेडेभलाई पाँच सेटको संघर्षपूर्ण खेलमा पराजित गर्दै स्पेनिस नाडालले चौथो पटक युएस ओपनको उपाधि जितेका हुन् ।

दोस्रो बरियताका ३३ वर्षे नाडालले पाँचौँ बरियताका २३ वर्षे मेडभेडेभलाई पराजित गरेका हुन् । सुरुका दुई सेटमा अग्रता लिएका नाडाल त्यसपछिका दुई सेटमा पछि परे ।पाँचौँ सेटमा मेडभेडेभ नाडाललाई पछि पार्दै पहिलो पटक ग्राण्डसलाम उपाधि जित्ने होडमा थिए । तर अन्तिम सेटमा नाडालले अग्रता लिएर उपाधि जितेका हुन् ।