काठमाडौँ – प्रधानमन्त्री केपी शर्मा ओली शुक्रबार स्वदेश फर्कँदै हुनहुन्छ । स्वास्थ्योपचारका लागि सिंगापुर जानुभएका प्रधानमन्त्री ओली उपचार प्रक्रिया पूरा गरेर स्वदेश फर्किन लाग्नु भएको हो ।
प्रधानमन्त्री ओली शुक्रबार दिउँसो १२ः३० बजे काठमाडौँ आइपुग्ने जनाइएको छ । उहाँ भदौ पाँच गते उपचारका लागि जानुभएको थियो ।
प्रधानमन्त्री ओलीलाई भेट्न सिंगापुर गएका नेता विष्णु पौडेल र बामदेव गौतम पनि आजै फर्किँदै हुनहुन्छ । उहाँको उपचार प्रक्रिया गत बुधबार सकिएको थियो । प्रधानमन्त्री ओलीले बोलाएपछि नेता पौडेल र गौतम त्यसतर्फ जानुभएको थियो । दुवै नेतासँग प्रधानमन्त्री ओलीले महत्वपूर्ण राजनीतिक वार्ता गरेको र स्वदेश फर्केलगत्तै केही ठूला निर्णय लिन सक्ने अनुमान गरिएको छ।
प्रतिक्रिया