अर्घाखाँचीमा वडाअध्यक्ष चढ्दै आएको मोटरसाइकलमा आगजनी

बिष्णु कुमार आले, अर्घाखाँची ।

अर्घाखाँचीको छत्रदेब गाउँपालिकाको मोटरसाईकलमा गएराती आगजनि भएको छ । वडानम्वर ७ भगवतीका वडाअध्यक्ष शोभाखर पाण्डे चढ्दै आएको लु १ ब १६८८ नम्बरको मोटरसाईकलमा गएराती अज्ञात समूहले आगजनि गरेको हो । पाण्डेको घरभन्दा माथी बाटोमा पार्किङ् गरी राखीएको सरकारी नम्बर प्लेटको मोटरसाईकलमा आगजनि भएको जिल्ला प्रहरी कार्यालय अर्घाखाँचीका प्रहरी प्रमुख प्रहरी नायव उपरीक्षक प्रकाश बिष्टले बताए । बिहान करीब साढे ४ देखी पौने ५ बजेको समयमा मोटरसाईकलमा आगजनि भएको हुनसक्ने अनुमान गरिएको छ । राति एक्कासी गोठ नजिकै आगो बलेको अध्यक्ष शोभाखरकी आमाले देखेपछि उठेर हेर्न जाँदा मोटरसाइकलमा आगलागी भैरहेको अध्यक्ष शोभाखर पाण्डेले बताए । आगजनि गर्नेको खोजिकार्य भईरहेको प्रहरीले जनाएको छ । मोटरसाइकलमा आगजनि कसले र किन गरेको भन्ने बारे खुल्न सकेको छैन ।