अर्घाखाँचीको ठाडा दह नजिकै गुडिरहेको बसबाट खस्दा बालिका घाइते

बिष्णु कुमार आले, अर्घाखाँची ।
अर्घाखाँचीको ठाडादह नजिकै गुडिरहेको बसको चालकको ढोकाबाट खसेर आज एक बालिका घाईते भएकी छन् ।
बुटवलबाट सन्धिखर्क जाँदै गरेको लु १ ख ८५२६ नम्बरको बसको चालकको ढोका बाट खसेर अर्घाखाँची पाणिनी ३ का २६ बर्षिय कल्पना थापाको ५ बर्षीय छोरी रोजिना थापा घाईते भएको प्रहरीले जनाएको छ । हाल बुटवलको नयाँगाउ बस्दै आएकी कल्पना थापा अर्घाखाँचीको ढिकुरा बस चढेर माईत हिडेकी थिईन ।
माईत जाँदै गरेकी थापाको नजिकै उभिएको ५ बर्षिय रोजिनाले खेलाउदै जाँदा चालकले लगाएको ढोकाको चुक्कील एक्कासी खोलिएपछि बसबाट तल खसेकी थिईन् । अहिले घाईते रोजिनाको बुटवलको चौडाहा हस्पिटल प्रालिमा उपचार भैरहेको हाम्रा अर्घाखाँची सहकर्मी बिष्णु कुमार आलेले खबर पठाउनु भएको छ ।