अर्घाखाँचीको सितगंगामा बेवारिसे शव फेला

बिष्णु कुमार आले, अर्घाखाँची ।
अर्घाखाँचीको सितगंगा ९ नयाँवस्ती रङसिङ खोलाको बगरमा एक बेवारिसे पुरूसको सव फेला परेको छ । सव सडेर चिन्नै नसकिने अवस्थामा स्थानियले देखेपछि प्रहरीलाई खबर गरेका थिए । पातलो शरीर ,मङगोलियन अनुहारको ,५ फिट ४ ईन्च उचाई भएको , करिव २० देखि ३० बर्ष भित्रको देखिने , कपाल खुईलिएको नग्न अवस्थामा पुरूसको सव फेला परेको हो । जानकारी पाउने बित्तिकै ईलाका प्रहरी कार्यालय ठाडाबाट खटिएको प्रहरीको टोली घटनास्थल पुगेर सवलाई पोष्टमाट्मका लागि सदरमुकाम ल्याईएको छ । शव अहिले पोष्टमाट्मका लागि जिल्ला अस्पतालको सवगृहमा राखिएको छ । सव भेटिएको क्षेत्र बाट मानिस हराएको खबर प्राप्त नभएको प्रहरीले जनाएको छ ।