कपिलवस्तमा छुट्टाटुट्टै स्थानमा भएको दुर्घटनामा ३ जना घाइते

मायादेवी अनलाइन, कपिलवस्तु ।
कपिलवस्तुमा मोटरसाइकलको ठक्करबाट पैदलयात्री घाइते भएका छन् । जिल्लाको शुद्दोधन गाउपालिका वडा नं.४ महादेव स्थित लवनि हथिहवादोहनि भित्री सडक खण्डमा मोटरसाइकलले ठक्कर दिदा स्थानिय रिता कलवार घाइते हुनुभएको छ । हथिहवादोहनि तर्फ जादै गरेको लु २१ प ६७२८ नं. को मोटरसाइकल ले पैदल यात्री १५ वर्षकी रिता कलवार लाई ठक्कर दिएको हो । घाइतेलाई उपचारको लागि भैरहवा पठाएको छ भने मोटरसाइकल चालक प्रहरी चौकी लवनीको नियन्त्रणमा छन् ।
उता
बस र ट्याक्टर एक आपसमा ठोकिदा २ जना घाइते भएका छन् । जिल्लाको शिवराज नगरपालिका वडा नं.१ उमरी चोक स्थित पुर्व पश्चिम राजमार्गमा पुर्व बाट पश्चिम तर्फ जादै गरेको ना ५ ख १४२५ नं. को बस र भित्रि बाटो बाट हाईवे तर्फ आउदै गरेको लु ४ त २१७ नं. को ट्याक्टर एक आपसमा ठोक्कीएका हुन् । घटनामा ट्याक्टरमा सवार जिल्ला कपिलबस्तु बुद्दभुमि नगरपालिका ८ बस्ने २० वर्षिय शिव कुमार यादव र शिबराज नगरपालिका ३ थुनिया बस्ने २० वर्षिय राज कुमार यादव घाइते भएका छन् । घाइते दुबैको अवस्था सामान्य रहेको प्रहरीले जनाएको छ । दुबैको संजिबनि अस्पताल चन्द्रौटामा उपचार भैरहेको छ भने बस,बस चालक र ट्याक्टर नियन्त्रणमा लिई अनुसन्धान थालिएको छ । घटना लगत्तै फरार ट्याक्टर चालकको खोजी कार्य भैरहेको प्रहरीले जनाएको छ ।