प्रहरीलाई गोली हानेर भागेका अभियक्त पक्राउ

रौतहट ।
जिल्ला प्रहरी कार्यालय रौतहटले प्रहरीलाई गोली हानी फरार रहेका एकजना अपराधीलाइ सोमबार साझ पक्राउ गरेको छ। इलाका प्रहरी कार्यालय हर्कटवा सर्लाहीमा गत २०६७ मंसिर १७ गते प्रहरी नायब निरीक्षक लवजंग चौहानलाई गोली हानी फरार रहेका राम एकवाल सहनीलाइ रौतहट प्रहरीले पक्राउ गरेको हो। तत्कालीन भूमिगत तराई मुक्तिमोर्चाका अबद्ध रहेका सहनीले प्रहरी नायब निरीक्षक चौहानलाइ घाइते बनाएर हतियार खोसी फरार भएका थिए। जिल्ला प्रहरी कार्यालय रौतहटका प्रहरी निरीक्षक पप्पु नायकका अनुसार उनको समूहले सर्लाही जिल्लाको तत्कालीन भवानीपुर गाबिस वडा नम्बर ३ स्थित सुकमारी मन्दिर नजिक प्रहरी नायब निरीक्षक चौहानलाई गोली हानी घाइते बनाएर ५४ एम एमको चाइनिज पेस्तोल लुटी भागेका थिए। सोही समयदेखि सो समूहलाई खोज्ने कार्य सुरु गरेपछि तीनजना विभिन्न मितिमा पक्राउ भएको थियो भने अन्य दुई जना फरार नै रहेको प्रहरी निरीक्षक नायकले जानकारी दिए। यसैबीच सहनीलाई पक्राउ गरेको हो। गरुडा नगरपालिका २ बस्ने सहनीलाई प्रहरीले झाझपुलबाट पक्राउ उनले बताए। सहनीबिरुद्ध आवश्यक अनुसन्धान भइरहेको जिल्ला प्रहरी कार्यालय रौतहटले जनाएको छ भने अन्य एक जना खोजी कार्य भइरहेको प्रहरी निरीक्षक नायकले जनाएका छन्।