पुरुष सिनियर भलिबलः नेपालले किर्गिस्तानलाई हराउला आज ?

मायादेवी अनलाइन, कपिलवस्तु ।
एभीसी पुरुष सिनियर सेन्ट्रल जोन भलिबल च्याम्पियनसिप आजबाट राजधानीमा सुरु हुँदै छ । आज दिउँसो दुई बजे लगनखेलस्थित आर्मी कभर्डहलमा सुरु हुने छ । आज पहिलो दिन बिभिन्न खेल हुने छन् । आजै नेपालको खेल पनि छ । मैत्रीपूर्ण खेलमा अफगानिस्तानमाथि सनसनी जित हासिल गरेको नेपाल आज किर्गिस्तानसँग खेल्न लागेको हो । नेपाल र किर्गिस्तानबीचको खेल दिउँसो चार बजे सुरु हुनेछ । आफ्नो पहिलो खेलमा नै जित हात पार्दै नेपाल सेमिफाइनलमा पुग्ने लक्ष्यमा हुनेछ । समूह ए मा रहेको नेपालसँगै किर्गिस्तान र माल्दिभ्स रहेका छन् । यता, समूह बीमा भने तुर्कमेनिस्तान, उब्जेकिस्तान, बंगलादेश र अफगानिस्तान रहेका छन् । त्योभन्दा अघि बिहान १० बजे तुर्कमेनिस्तान र अफगानिस्तानबीचको खेल रहेको छ । आजै बेलुकी ६ बजे उब्जेकिस्तान र अफगानिस्तानबीच पनि खेल हुनेछ ।