कपिलवस्तुमा लागु औषध सहित रुपन्देहीका ठाकुर पक्राउ

मायादेवी अनलाइन, कृष्णनगर ।
कपिलवस्तुमा लागु औषध सहित एक जना पक्राउ परेका छन् । जिल्लाको कृष्णनगर नगरपालिका वडा नं. २ बसपार्क बाट लागु औषध सहित एक जना पक्राउ परेका हुन् । पक्राउ पर्नेमा रुपन्देहीको कंचन गाउपालिका वडा नं. १ शान्तिनगर बस्ने २० वर्षका राज कुमार ठाकुर रहेका छन् । भारतबाट नेपाल तर्फ पैदल आउदै गरेका ठाकुरलाई संका लागी खानतलासि गर्दा उनको साथबाट लागु औषध नाइट्राभेट १ सय ५० ट्यावलेट, स्पास्मो प्रोक्सीभोन प्लस ३२ क्याप्सुल फेला परेको इलाका प्रहरी कार्यलय कृष्णनगरले जनाएको छ । ठाकुरलाई प्रहरीले नियन्त्रणमा लिई कपिलवस्तु जिल्ला अदालतबाट ७ (सात) दिनको म्याद थप गरी थप अनुसन्धान कार्य अगाडी बढाएको छ ।