जीप दुर्घटनामा परी पत्रकार अधिकारीको मृत्यु

मायादेवी अनलाइन, वाणगंगा ।
सप्तरीमा शनिबार बिहान एक बोलेरो दुर्घटना हुँदा एक जनाको मृत्यु भएको छ । रुपन्देहीको तिलोत्तमा नगरपालिकाबाट लगानी सम्मेलनमा सहभागी लिएर विराटनगर जाँदै गरेको बा. १६ प. २२३५ नम्बरको बोलेरो अनियन्त्रित्र भइ पूर्व पश्चिम राजमार्ग अन्तर्गत सप्तरीको कंचनरुप नगरपालिका ११मा दुर्घटना हुँदा रुपन्देहीका पत्रकार डायलसन अधिकारीको घटनास्थलमै मृत्यु भएको सप्तरीका एसपी मनोज यादवले जानकारी दिए । ४० वर्षीय अधिकारीको एक श्रीमति, १ छोरा १ छोरी रहेका छन् ।
अर्घाखाँचीबाट बसाइसराई गरी कपिलवस्तुको इमिलियामा बसोवास गर्दै आउनु् भएकोे थियो । अधिकारी हाल रुपन्देहीको नयाँ मिलमा घर बनाई रुपन्देहीबाट लामो समयदेखि पत्रकारितामा कृयाशिल हुनुहुन्थ्यो । उहाँ इलगन अनलाइन, रेडियो नमस्ते, बुटवल टुडे लगाएतका संचारमाध्यममा आवद्ध हुनुहुन्थ्यो । पत्रकार अधिकारी रेडियो नेपालमा रुपन्देहीबाट कार्यरत थिए ।
दुर्घटनामा परी रुपन्देही उद्योग व्यापार संघका अध्यक्ष जेपी कँडेल, वडाध्यक्षाहरु सोहल चौधरी, तारानाथ पाण्डे र चालक अशोक भण्डारी घाइते भएका छन् ।
चालक भण्डारीको अवस्था गम्भिर रहेको प्रहरीले जनाएको छ । उनको थप उपचारका लागि विराटनगर पठाइएको छ ।