तीव्र गतिका २ स्कुटर बुङचीमा ठोक्किए, २ जना घाइते, एक जना गम्भिर

मायादेवी अनलाइन,कपिलवस्तु ।
कपिलवस्तुको बाणगंगा ४ बुङ्चीमा दुई स्कुटर एक आपसमा ठोक्किदा २ जना घाइते भएका छन् । शुक्रबार दिउसो पुर्वबाट पश्चिमतर्फ गईरहेको लु ३७ प २५६४ स्कुटी र विपरित दिसाबाट आइरहेको लु ४६ प ९००५ नं स्कुटी एक आपसमा ठोक्किएका थिए । सो ठक्करबाट दुवै स्कुटीका चालक ३५ बर्षिय शेखर भुषाल र २९ बर्षका जयसराम चौधरी घाइते भएका छन् । भूषाल वाणगंगा नगरपालिका वडा नं ६ भग्लापुर निवासी हुन् भने चौधरी वडा नं ६ मनहरापुरका रहेको प्रहरीले जनानएको छ । दुइजनामध्ये शेखरको अवस्था गम्भिर रहेको छ । उनीहरुको सि. एण्ड सि अस्पताल ४ नं मा प्राथमिक उपचारपछि बुटवल रिफर गरिएको प्रहरीले जनाएको छ । दुवै स्कुटर तीव्र गतिका कारण दुर्घटनामा परेको प्रहरी जनाऊ छ ।