अर्घाखाँचीमा मोटरसाईकल चोर प्रहरी फन्दामा

बिष्णु कुमार आले, अर्घाखाँची ।
मोटरसाईकल चोरेको आरोपमा अर्घाखाँची प्रहरीले गुल्मी मालिका गाउँपालिका-६ का ३० बर्षीय राजु भन्ने भिम बहादुर बिकलाई पक्राउ गरेको छ ।
यहि साउन २१ गते बैतडी पाटन नगरपालिका-२ घर भई अर्घाखाँची सन्धिखर्क व्यापारको शिलसिलामा आएका रोचक बिकको बा ४९ प ९०६५ नम्बरको मोटर साईकल नाटकिय रूपमा चोरेर भिम बहादुर भागेका थिए ।
प्रहरीले खोजतलास गर्दा गुल्मि मदाने गाँउपालिका-६ बाट मोटरसाईकल बेचबिखन गर्न थालेकै अवस्थामा बिकलाई पक्राउ गरेको हो ।
निजलाई चोरी सम्बन्धि कसुरमा मुद्दा दर्ता गरि थप अनुसन्धान भईरहेको जिल्ला प्रहरी अर्घाखाँचीका सुचना अधिकृत प्रकाश खत्रीले जानकारी दिए ।