भारतविरुद्ध दक्षिण अफ्रिका टिममा थपिए नयाँ अनुहार

काठमाडौं ।
भारतविरुद्धको टेष्ट क्रिकेट सिरिजका लागि दक्षिण अफ्रिकाले तीन नयाँ अनुहारलाई स्थान दिँदै टिम सार्वजनिक गरेको छ ।
आगामी अक्टोबरमा हुने टेष्ट क्रिकेटको कप्तानी फाफ् डु प्लेसिसले गर्नेछन् । भारत र दक्षिण अफ्रिकाबीचको टेष्ट क्रिकेट तीन खेलको हुनेछ ।
त्यस्तै, तीन खेलकै टी २० क्रिकेट सिरिजको कप्तानी भने क्वीन्टन डि ककले गर्नेछन् । भारतविरुद्धको टी २० क्रिकेट सिरिज भने आगामी सेप्टेम्बरमा हुँदैछ ।
टी २० क्रिकेट मा पनि तीन नयाँ खेलाडी छन् । टी २० क्रिकेटमा टेम्बा बाभुमा, एनरिच नोर्टजे र बिजोम र्फटन पहिलो पटक टिममा अटाएका छन् ।
यता, टेष्टमा भने बलर एनरिच नोर्टजेसँगै विकेटकिपर ब्याट्सम्यान रुडी सेकन्ड र अलराउण्डर सेनुरन मथुसामी पहिलो पटक टेष्ट क्रिकेट टिममा परेका छन् ।