मोटरसाइकलको ठक्करबाट गुल्मीमा पैदलयात्रीको मृत्यु

गुल्मी ।
गुल्मीमा मोटरसाइकलको ठक्करबाट १ जनाको मृत्यु भएको छ। जिल्लाको चन्द्रकोट गाउँपालिका ४ शन्तिपुरमा मोटरसाइकलको ठक्करबाट ४५ वर्षीय चित्रबहादुर सार्कीको मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक डिएसपी मीनबहादुर घलेले बताए। शान्तिपुरबाट हरेवातर्फ जाँदै गरेको लु१९प ८२७३ नम्बरको मोटरसाइकलले पैदल यात्रीलाई ठक्कर दिएको प्रहरीले जनाएको छ। मोटरसाइकलको ठक्करबाट घाइते भएका सार्कीलाई उपचारको लागि शान्तिपुर उपस्वस्थ्य चौकी ल्याउने क्रममा मृत्यु भएको थियो। ठक्कर दिने मोटरसाइकल र चालकलाई प्रहरीले नियन्त्रणमा लिएको छ। मोटरसाइकल चालक पनि सामान्य घाइते भएका छन्। उनको पाल्पामा सामान्य उपचारपछि जिल्ला प्रहरी कार्यालय गुल्मीमा लगिदै छ ।