थारु पत्रकार सघं कपिलवस्तुको अध्यक्षमा सिटीको नेतृत्व

राम अवतार चौधरी, वाणगंगा ।
जिल्ला समन्वय समिती कपिलबस्तुका उप-प्रमुख तारावती थारुले थारु पत्रकारले थारु समुदायको हकअधिकार र पहिचानका मुद्धाहरुलाई सक्रिय रुपमा मिडिया मार्फत उठाउन जोड दिनुपर्ने बताएकी छिन् । नेपाल थारु पत्रकार सघं नेपाल शाखा कपिलबस्तुको तेस्रो अधिबेशन तथा साधारणसभालाई प्रमुख अतिथिको रुपबाट सम्बोधन गर्दै उप–प्रमुख थारुले यस्तो बताएकी हुन् । बिभिन्न सघं संस्थासँग समन्वय र सहकार्यको साथ अघि बढ्न संस्थालाई सुझाब दिईन् । उनले आफ्नो तहबाट थारु पत्रकारको क्षमता अभिबृद्धिका लागि सक्दो सहयोग गर्ने समेत प्रतिबद्धता जाहेर गरिन् ।
सोही कार्यक्रममा बाणगंगा नगरपालिकाका नगर प्रमुख मंगल प्रसाद थारुले थारु पत्रकार सघंले आफ्नो योजना लिएर आए नगरपालिकाबाट सहयोग गर्न आफु प्रतिबद्ध रहेको बताए ।
थारु कल्याणकरीणी सभाका केन्द्रीय सदस्य जञ्जीर प्रसाद थारुले थारु समुदायको भाषा र भेषभुषा बचाउनमा मिडियाको महत्वपूर्ण भुमिका रहेकोले थारु भाषाको पत्रिका बुद्ध सनेस साप्ताहिकलाई पनि निरन्तरता दिनुपर्नेमा सदस्य थारुले जोड दिए ।
कार्यक्रममा थारु पत्रकार सघंका केन्द्रीय सदस्य कमल चौधरी, थारु कल्याणकरीणी सभाका केन्द्रीय सदस्य सुमित्रा थारु, थारु जनकबि बम बहादुर थारु, थारु कल्याणकारी सभाका जिल्ला सह –सचिब राजेश थारु लगायतले आ–आफ्नो भनाई राख्दै अधिवेशनको सफलताको शुभकामना समेत दिएका थिए ।
थारु पत्रकार सघं नेपाल शाखा कपिलबस्तुका अध्यक्ष श्याम बहादुर थारुको अध्यक्षता तथा शाखाका सचिव सरिता थारुको सञ्चालन र सदस्य सिर्जना थारुको स्वागत मन्तव्यमा कार्यक्रम सपन्न भएको थियो ।

संघमा पुनः सिटीको नेतृत्व

यसैबीच थारु पत्रकार सघं नेपाल शाखा कपिलबस्तुको तेस्रो अधिवेशनबाट पुनः श्याम (सिटी) बहादुर थारु अध्यक्षमा १३ सदस्यीय नयाँ कार्य समिती निर्विरोध चयन भएको छ । जसको उपाध्यक्षमा शिवराज एफ एमका राम अवतार चौधरी थारु, सचिवमा बुद्ध आवाजबाट सरिता थारु, सह सचिवमा बिजयनगर एफ एमकी सोनकुमारी थारु, कोषाध्यक्षमा रेडियो मायादेबीकी सरिता थारु र सदस्यमा क्रमश माया थारु, सिर्जना थारु, रमेश थारु, संजय कुमार थारु, अनिल थारु, हेमन्त थारु, लक्ष्मी चौधरी, बन्दना थारु कार्य समितिमा निर्विरोध चयन भएका छन् ।