ट्याक्टरले किच्दा वाणगंगामा एक किशोरको ज्यान गयो

मायादेवी अनलाइन, वाणगंगा ।

कपिलवस्तुको वाणगंगा नगरपालिकामा ट्याक्टरले किच्दा एक किशोरको मृत्यु भएको छ । वडा नं. ७ गौडिचोकका रञ्जित थारुको ट्याक्टरले किच्दा घटनास्थलमै मृत्यु भएको हो ।

गाउँमा माटो अनलोड गर्दा थारुलाई ना ६ त ७४०१ नम्बरको ट्याक्टरको पछाडिको टायरले किचेको इलाका प्रहरी कार्यालय पिपराले जनाएको छ । माटो अनलोड गर्नको लागि मृतक थारु सोही ट्याक्टरमा गएका थिए । तर, उनको कालै बनेर ट्याक्टर आयो ।

अहिले ट्याक्टर चालक र ट्याक्टर इलाका प्रहरी कार्यालय पिपराको नियन्त्रणमा रहेका छन् । घटना शनिबार पौने १२ बजे घटेको हो ।