आजको मौसमः ठुलो पानी नपर्ने

काठमाडौँ – देशभरको मौसम मंगलबार आंशिकदेखि सामान्य बदली हुने जल तथा मौसम पूर्वानुमान महाशाखाले जनाएको छ । केही स्थानमा वर्षाको सम्भावना रहे पनि ठूलो पानी भने नपर्ने मौसमविदले बताएका छन् ।

मंगलबार राति देशका पश्चिमी भू–भागमा सामान्यदेखि पूर्ण बदली हुने तथा मध्य र पूर्वी भू–भागमा आंशिकदेखि सामान्य बदली हुने जनाइएको छ ।

पश्चिमका केही स्थान र पूर्व तथा मध्यका थोरै स्थानमा वर्षाको सम्भावना छ । राति पश्चिम पहाडका एक–दुई स्थानमा भारी वर्षाको सम्भावना छ ।

हाल देशभरि आंशिकदेखि सामान्य बदलीको अवस्था रहेको मौसमविदले बताए । देशका थोरै स्थानमा हल्का वर्षा भइरहेको छ ।

मनसुनी न्यून चापीय रेखा तराई भू–भाग भन्दा दक्षिणतिर रहेकाले नेपालमा मनसुनी गतिविधि कम सक्रिय अवस्थामा हल्का वर्षा भइरहेको छ ।