भारतीय मोटरसाइकलको ठक्करबाट कपिलवस्तुमा बालिकाको मृत्यु

मनिष गुप्ता, चन्द्रौटा ।
कपिलवस्तुको शिवराज नगरपालिकामा भारतीय मोटर साइकलको ठक्करबाट ६ वर्षीया बालिकको मृत्यु भएको छ । शिवराज नगरपालिका ७ जवाभारीमा सोमबार कृष्णनगरदेखि चन्द्रौटातर्फ आइरहेको भारतीय नम्बर प्लेट युपि ४७ आर ३५६८ नम्बरको मोटरसाइकलले बालिकालाई ठक्कर दिएको हो ।
शिवराज नगरपालिका ७ जवाभारी बस्ने कुदबुल्ला नाउँको ६ वर्षीया छोरी मिनिको मृत्यु भएको इलाका प्रहरी कार्यालय बहादुरगंजले जनाएको छ । बालिकाको ठक्करबाट टाउकोमा चोट लागेको र उपचारका क्रममा शिवराज अस्पताल बहादुरगंजमा मृत्यु भएको प्रहरीले जनाएको छ ।
मोटरसाइकल चालक भारत बलरामपुर जिल्ला उतरौला बजार निवासी २७ वर्षीय बब्बुकुमार गुप्ता र मोटरसाइकल प्रहरी नियन्त्रणमा रहेको इलाका प्रहरी कार्यालय बहादुरगंजले जनाएको छ ।