कक्षा १२ को रिजल्ट आज आउँदै

मायादेवी अनलाइन, कपिलवस्तु ।
राष्ट्रिय परीक्षा बोर्डले आज कक्षा १२ को नतिजा सार्वजनिक गर्दै छ । बोर्ड स्रोतका अनुसार नतिजा प्रकाशनका लागि सोमबार साँझ बोर्ड बैठक बोलाइएको छ।बैठकपछि आज साँझ नै नतिजा सार्वजनिक गरिने छ । हिजो परीक्षार्थीको सम्पूर्ण प्राप्ताङ्कलाई रुजु गरेर कम्प्युटरमा इन्ट्री गरिसकिएपछि आज नतिजा सार्वजनिक गर्न लगिएको हो ।
आइतबार रुजु गर्ने क्रममा कुनै समस्या देखिएको छैन । गत वैशाखमा सम्पन्न परीक्षामा मुलुकभरबाट चार लाख परीक्षार्थी सहभागी थिए। बोर्डले विगतमा विज्ञान विषयको नतिजा सुरुमा र केही समयपछि मात्र अन्य विषयको नतिजा प्रकाशन गर्दै आएको थियो। यस पटक भने एकै पटक नतिजा प्रकाशन गर्न लागेको हो।