भारतबाट ल्याइएका ६ वटा गोरुसहित ३ नेपाली पक्राउ

वीरगन्ज ।
भारतबाट गोरु ल्याउँदै गरेका ३ जना नेपाली नागरिक पक्राउ परेका छन् । पक्राउ पर्नेमा पर्साको छिपहरमाइ गाउँपालिका–३ घर भएका ४४ वर्षी शेख मुस्लिम, ५५ वर्षी रिफिक मियाँ र १८ वर्षी शेख इमरान छन् ।
उनीहरु भारतबाट ल्याउँदै गरेका ६ वटा गोरुसहित नेपाल–भारत सीमा नजिक वीरगन्ग महानगरपालिका–१७ स्थित तिलावे पुलबाट पक्राउ परेका हुन् । पक्राउ परेका तीनै जनामाथि थप अनुसन्धान भइरहेको जिल्ला प्रहरी कार्यालय पर्साले जनाएको छ ।