कपिलवस्तुमा खैरो हिरोईन र नक्कली नोट सहित बसका चालक पक्राउ

कपिलवस्तु ।
कपिलवस्तुमा खैरो हिरोइन र नक्कली नोट सहित एक जना पक्राउ परेका छन् । जिल्लाको मायादेवी गा.पा.४ चाकरचौडास्थित पिपराबाट चाकरचौडा तर्फ जादै गरेको लु १ क १५५४ नं.को बसबाट उक्त लागु औषध र नक्कली नोट बरामद गरिएको हो । पिस ग्लोबल ईङ्लिश बोर्डिङको उक्त बसलाई बिशेष सूचनाको आधारमा नियन्त्रणमा लिई चेकजाँच गर्दा बसको टुलबक्सबाट १० पोका खैरो हिरोईन भेटिएको हो ।
सादा पोशाकमा खटिएको प्रहरी टोलिले उक्त बस चेकजाच गर्ने क्रममा लागु औषध सहित नेपाली रू.५००.(पाँच सय)को घ ६१।६८१३६३ नं.को ८८ थान नक्कली नोट समेत बरामद गरेको थियो । हाल बस चालक बरकुलका देउकीनन्दन कसौधनलाई नियन्त्रणमा लिई आवश्यक अनुसन्धान जारी राखिएको कपिलवस्तु प्रहरी उपरिक्षक दिप शम्शेर राणाले बताउनुभएको छ ।