पहिरोले अर्घाखाँचीमा महिलालाई झण्डै बगाएन, भागेर बाच्न सफल

मायादेवी अनलाइन, अर्घाखाँची ।
गोरुसिङ्गे सन्धिखर्क सडकखण्डको भुवनपाटामा माथि भिरबाट अकस्मात पहिरो खस्दा स्थानीय एक महिला भागेर बाँच्न सफल हुनुभएको छ । घर माथिबाट पहिरो आएपछि घरभित्र रहेकी शान्ता बिकले भागेर ज्यान बचाउनु भएको हो ।
उहाँका अनुसार ‘एक्कासी घरमाथिबाट  पहिरो आएको छ । छिमेकीले पहिरो आयो । मान्छे घरभित्र छ भनेर बाहिरबाट चिच्याएपछि आफू बाँचन सफल हुनुभएको उहाँले बताउनु भयो । आफू बाँचे पनि आफ्नै आँखा अगाडी घर पहिरोले पुरे पछि उहाँ चिन्तित हुनहुन्छ ।
यस्तै पहिरोका कारण ५ घरपरिवार उच्च जोखिममा परेका छन् । एक सातादेखि निरन्तर पहिरो खसेपछी स्थानिय पुर्णकला गुरुङ, चन्द्रकला बुढाथोकी, अनिता क्षेत्री, गणेश थापा, हरि घिमिरेको घर उच्च जोखिममा परेको हो ।
अहिले पहिरोका कारण उच्च जोखिममा रहेका ५ घर परिवारलाई सुरक्षित स्थानमा सार्ने तयारी भैरहेको सितगंगा २ का वडा अध्यक्ष गोबर्धन थापाले बताए । घर माथिबाट आएको पहिरोले स्थानीय शान्ता बिकको घर र पसल पुरेर ५ लाख बराबरको क्षति र्पुराएको छ ।