सञ्जुले जिताउलान् पुलिसलाई ललित स्मृति कपको उपाधि, ब्रिगेड ब्वाईजसंग आज उपाधि भीडन्त

मायादेवी अनलाइन,कपिलवस्तु ।
कपिलवस्तुका सञ्जु सेन अनुबन्धित नेपाल पुलिस क्लवले आज राजधानीमा जारी ललित स्मृति कप यू–१८ च्याम्पियनसिप फुटबलको उपाधिको लागि प्रतिस्पर्धा गर्दै छ । आज एन्फा कम्प्लेक्समा हुने फाइनल खेलमा पुलिसले साविकको विजेता ब्रिगेड ब्वाईज क्लबसँग खेल्नेछ । पुलिसले जावलाखेल युथ क्लवलाई ३–१ गोलले पराजित गरी पहिलोपटक फाइनलमा स्थान बनाएको थियो भने ब्रिगेडले मनाङ मर्स्याङ्दी क्लबलाई ७–१ गोलले पराजित गरी फाइनलमा स्थान बनाएको थियो ।
प्रतियोगितामा सनसनी मच्याएका बाणगंगाका सञ्जु सेनको खेल आज   हेर्न लायक हुने छ । पुलिसलाई फाइनलसम्म ल्याउन उनले तिन खेलमा ह्याट्रिक सहित सात गोल गरिसकेका छन् ।सञ्जुले डेब्यु खेलमै २ गोल गरेका थिए भने दोश्रो खेलमा ह्याट्रिक गरेका थिए । यस्तै सेमिफाइनलमा पनि २ गोल गरका थिए । प्रतियोगिताको विजेताले ३ लाख रुपैयाँ प्राप्त गर्नेछ । उपविजेताले १ लाख ५० हजार रुपैयाँ पाउनेछ ।