कृष्णनगरमा अवैध लागु औषधसहित एक युवक पक्राउ

कृष्णनगर ।
कपिलवस्तुको कृष्णनगर नगरपालिकामा एक युवक अवैध लागूऔषध सहित पक्राउ परेका छन् । कृष्णनगर नगरपालिका वडा नं. २ लिङगेटमा भारतबाट नेपाल तर्फ अवैध लागूऔषध लिएर आउदै गर्दा दाङको घोराही उप महानगरपालिका वडा नं. ११ खैरा बस्ने बर्ष २२ का अजय वलीलाई पक्राउ गरेको जिल्ला प्रहरी कार्यलय कपिलवस्तुले जनाएको छ ।
वलीमाथी शंका लागेपछी अस्थाई प्रहरी पोष्ट लिङगेटबाट खटिएको प्रहरी टोलीले शरिरमा खानतलासी गर्दा साथमा लुकाई छिपाई राखिएको लागू औषध निट्राभेट लेखिएको ९० ट्याब्लेट, ट्रमाडोल क्याप्सुल ७ लागुऔषध फेला पारेको थियो ।
पक्राउ परेका वलीलाई ईलाका प्रहरी कार्यालय कृष्णनगरमा राखिएको छ । उनी माथि थप अनुसन्धान कार्य भैरहेको प्रहरीले जनाएको छ ।