काठमाडौंमा टिप्पर र स्कुटर ठोक्किए, एकको मृत्यु, अर्का घाइते

काठमाडौं ।
काठमाडौंमा रोकिराखेको टिप्परमा स्कुटर ठोक्किँदा एक जनाको मृत्यु भएको छ। अर्का घाइते भएका छन्।
शुक्रबार राति केशर महल चोकमा रोकिराखेको ना ३ ख ७५६१ नम्बरको टिप्परमा बा ९२ प ६५ ६५ नम्बरको स्कुटर ठोक्किँदा घाइते भएका स्कुटर चालक काठमाडौं बूढानीलकण्ठका ३५ वर्षीय सञ्जय ठकुरीको उपचारका क्रममा शनिबार बिहान मृत्यु भएको हो।
दुर्घटनालगत्तै ट्रमा सेन्टर पु¥याइएका ठकुरीलाई कलंकीस्थित नेसनल अस्पताल लगिएकामा उपचारका क्रममा शनिबार बिहान मृत्यु भएको प्रहरीले जानकारी दिएको छ।
उनीसँगै स्कुटर पछाडि बसेका कलंकीका विशाल लुइँटेल घाइते भएका छन्। उनको उपचार ट्रमा सेन्टरमै भइरहेको प्रहरीले जनाएको छ।