एजेन्सी ।
इंग्लिस प्रिमियर लिग फुटबल क्लब टोटनह्यामका राइट–ब्याक किरन ट्रिपिएर स्पेनिस ला लिगा क्लब एथ्लेटिको मड्रिड जाने लगभग पक्का भएको छ । २८ वर्षका इंग्लिस खेलाडी २० मिलियन पाउण्डमा एथ्लेटिको मड्रिड जान लागेका हुन् । उनी सन् २०१५ को जुनमा बर्नलीबाट टोटनह्याम आएका थिए ।
गएको जुनमा भएको च्याम्पियन्स लिग फुटबलको फाइनलसहित उनले टोटनह्यामबाट १०० खेलमा सहभागिता जनाए । टोटनह्यामसँगको उनको सम्झौता सन् २०२२ सम्मको थियो । रक्षापंक्तिमा एथ्लेटिको मड्रिडले यो ट्रान्सफर विण्डोमा अनुबन्धित गर्न लागेका उनी तेस्रो खेलाडी हुन् ।
प्रशिक्षक डिएगो सिमोनले यसअघि नै पोर्टोबाट राइट–ब्याक फिलिपे र ब्राजिलियन क्लब एथ्लेटिको पारानाएन्सीबाट लेफ्ट–ब्याक रिनान लोडीलाई अनुबन्धित गरिसकेका छन् ।
प्रतिक्रिया