राजापानी सामुदायिक बनको अध्यक्षमा पुनः ढाकाराम अधिकारी

मायादेवी अनलाइन, वाणगंगा ।
कपिलवस्तुको वाणगंगा नगरपालिकामा रहेको राजापानी सामुदायिक बन उपभोक्ता समितिको अध्यक्षमा ढाकाराम अधिकारी निर्वाचित हुनु भएको छ । निवर्तमान अध्यक्ष समेत रहनु भएका अधिकारी पुनः दोस्रो कार्यकालका लागि निर्विरोध निर्वाचित हुनुभएको हो । अधिकारी यसभन्दा अगाडी मतदान प्रक्रियाबाट अध्यक्षमा आउनुभएको भएपनि दोस्रो कार्यकालका लागि निर्विरोध निर्वाचित हुनुभएको हो ।
समितिको उपाध्यक्षमा नर बहादुर चौधरी, सचिवमा सीता पौडेल, सह–सचिवमा धनराज झेडी मगर, कोषाध्यक्षमा कृष्ण प्रसाद र अन्य सदस्यहरुमा रहनुभएको छ । सामुदायिक बनमा नेतृत्व सर्वसम्मत गराउनका लागि झण्डै दुई महिना कसरत गर्नुपरेको थियो । सबै पदमा सर्वसम्मत नेतृत्व चयन भएपनि सह सचिवमा निर्वाचन भएको थियो । चुनाव हुँदा झेडीले लक्ष्मण आचार्यलाई हराएका थिए ।
सोमबार भएको कार्यक्रममा समितिका पदाधिकारी र सदस्यहरुले पदभार ग्रहण गरेका छन् ।