गायिका इन्दिराको ‘शिरफुल’ बजारमा (भिडियो)

विमल गैरे, कपिलवस्तु ।
हिन्दु नारीहरुको महान पर्व हरितालिका तीज विशेष गरेर महिला दिदीबहिनीहरुले मनाउने पर्व भएतापनि पछिल्ला समयमा महिला पुरुषले उतिकै मात्रामा मनाउने गरेको पाइन्छ । विशेष गरी विवाहित महिलाहरु वर्ष दिनको तीजमा माइतीघरमा गएर आफन्त साथीसंगी विचमा गीतको माध्यममा दुख पिडा पोख्ने गरेको पाइथ्यों तर पछिल्लो समयमा ती मौलीक गीत संगीत सुन्न विरलै पाइन्छ । केहि वर्ष यता गीत संगीलाइ आफनो पेशाको रुपमा हेरेकि लोक तथा दोहोरी गायिका इन्दिरा गैरेले यस वर्षको तीजलाई लक्षित गर्दै कोरियन साडी २ ‘शिरफूल’ बजारमा ल्याएकी छन् । तीजको रौनक नजिकै आएकाले अलिकति फरक किसिमको गीत लिएर आएको गायिका गैरे बताउँछिन् । गीतमा मौलिकपन रहेको उनको दाबी छ ।
गायिका गैरेकै अघिल्लो वर्षको गितीसंग्रह कोरियन साडीले बजारमा सर्वा्धिक चर्चा भएको थियो । यसअघि उनले दर्जन बढी गीत बजारमा ल्याइसकेकी छन् । सबै गीत राम्रो चर्चा पाएका छन् ।
ताजा इन्टरटेन्मेन्ट मार्फत बजारमा आएको यो वर्षको गीतमा इन्दिरा गैरे र सम्झना लामिछानेको स्वर रहेको छ । जसमा लय तथा शब्द लोकप्रिय सर्जक शरद पाण्डेको रहेको छ भने एरेन्ज सुदिप सागरले गरेका छन् । गीतको म्युजिक भिडियोमा चर्चित मोडल अञ्जली अधिकारी र सोम्या श्रेष्ठको अभिनय रहेको छ । गीतमा निर्देशन तथा कोरियोग्राफर काजिश श्रेष्ठले गरेका छन् ।छायांकन सागर गौतम र सम्पादन दिपक बिष्टको रहेको छ । गीतको दृश्य निर्माण सू्र्य्विनायक फिल्मसले गरेको छ ।