पौडी खेल्ने क्रममा डुबेर बुद्धभूमीमा २ बालकको मृत्यु

मायादेवी अनलाइन, बूद्धभूमी ।
कपिलवस्तुमा पौडी खेल्ने क्रममा डुबेर २ बालकको मृत्यु भएको छ । जिल्लाको बुद्धभूमी नगरपालिका ४ मा आज पौडी खेल्ने क्रममा डुबेर २ बालकको मृत्यु भएको प्रहरी उपरीक्षक दीप शम्शेर जबराले जानकारी दिनुभयो । पौडी खेल्नेक्रममा डुबेर बेत बहादुर बोहोराको ९ वर्षिय छोरा अनमोल बोहोरा र राम बहादुर कुँवरको १० वर्षिय छोरा सौगात कुँवरको मृत्यु भएको प्रहरी उपरीक्षक जबराले बताउनुभयो । बालक घर देखी ५०० मिटर उत्तर तर्फ रहेको पोखरीमा पौडी खेल्ने क्रममा डुबेको र आफन्तले तत्काल पोखरीबाट निकाली उपचारको लागी ४ नम्बर स्थित सामुदायिक अस्पतालमा पठाएकोमा दुबै जनाको उपचारको क्रममा मृत्यु भएको प्रहरीले जनाएको छ ।