दक्षिण कोरियामा न्युनतम पारिश्रमिक बढ्यो, ३३ लाख विदेशी श्रमिक लाभान्वित

काठमाडौं ।
दक्षिण कोरिया सरकारले श्रमिकको न्यूनतम पारिश्रमिक बढाएको छ । नयाँ पारिश्रमिकअनुसार श्रमिकले सन् २०२० का लागि प्रतिघण्टा ८ हजार ५ सय ९० वन ९७।३२ डलर० पाउने तलब बृद्धि भएको छ । यस वर्षको न्यूनतम ज्याला प्रतिघण्टा ८ हजार ३ सय ५० वन थियो ।

यो सँगै कोरियामा कार्यरत करिब ४४ हजार कामदार लाभान्वित भएका छन् । हाल कोरियामा करिब ईपीएसमार्फत् कोरिया आएर कार्यरत ३३ लाखभन्दा बढी विदेश कामदार रोजगारीमा कार्यरत छन् । ज्याला वृद्धि भएसँगै साताको न्यूनतम ४० घण्टा नघटाई मासिक मासिक २ सय ९ घण्टा काम गर्ने श्रमिकले १७ लाख ९५ हजार ३ सय १० वन अर्थात् १ लाख ६६ हजार ७ सय ७१ रुपैयाँ तलब पाउने छन् ।
सरकार, मजदुर संगठन र व्यवसायीका प्रतिनिधिबीच गत शुक्रबार भएको लामो छलफलपछि तलबवृद्धिको निर्णय भएको थियो ।

उद्योग र कृषि तथा पशुपालन भिसाबाहकका लागि कामादार र सञ्चालकबीच आपसी समझदारीमा ज्याला तय हुने छ । आप्रवासी कामदारको न्यूनतम ज्यालाबाट रोजगारदाताले खाना तथा बसोबासका लागि २० प्रतिशत कटौती गर्न पाउने व्यवस्थासमेत लागू भएको छ ।
एसियाका १७ देशका युवाका लागि रोजगारीको आकर्षक गन्तव्य देश मानिएको कोरियामा प्रत्येक वर्ष हुँदै आएको तलब वृद्धिले यी देशबाट रोजगारीका लागि त्यहाँ गएका कामदार उत्साहित हुने भएका छन् । कोरियाली राष्ट्रपति मुन जाय–इनले राष्ट्रपतीय चुनावी अभियानका क्रममा सन् २०२० सम्म मजदुरको न्यूनतम ज्याला प्रतिघण्टा १० हजार वन बृद्धि गर्ने घोषणा गरेपनि कममात्र बृद्धि गरिएको छ ।