उदय पोख्रेल, कपिलवस्तु ।
नवप्रभात युवा क्लब बा.न.पा. -४ ठाकुरापुरले निर्माणधिन हरियाली पार्कमा शनिबार बृक्षारोपण गरेको छ । वडा नम्बर ४ का वडाध्यक्ष गणेश बहादुर क्षेत्रिको प्रमुख आतिथ्यमा बृक्षारोपण सम्पन्न भएको हो । प्रमुख अतिथि क्षेत्रीले रुख रोपेर कार्यक्रमको उद्घाटन गर्नुभएको थियो । सामाजिक कार्यमार्फत युवाहरुलाई गोलवद्ध गर्न सफल क्लवले शनिबार बिभिन्न प्रजातिका एक सय भन्दा बढी विरुवा रोपेको हो ।
बृक्षारोपणपछि आफ्नो भनाई राख्दै वडाध्यक्ष क्षेत्रीले नव प्रभात क्लव पछिल्लो समय यस क्षेत्रमै नमुना बन्दै गएको बताउँदै आयोजना गरिएको बृक्षारोपण निकै सराहनीय भएको बताउनुभयो । उहाँले यस्तै राम्रो काम गर्दै गएमा आफूले सबै प्रकारको सहयोग गर्ने प्रतिवद्धता जनाउनुभयो ।
साथै बृक्षारोपणमा इन्दिरा पन्त, चित्र बहादुर खाड तथा वडा सचिब दुर्गा नेपाल लगायतले विरुवा रोप्दै युवाहरुले गरेको कामको प्रसंसा गर्नुभएको थियो । क्लवका सम्पुर्ण सदस्यहरु, स्थानीय सर्वसाधारणको उपस्थितिमा सम्पन्न कार्यक्रमको अध्यक्षता उपभोक्ता समन्वय समितिका अध्यक्ष किशोर पौडेलले गर्नु भएको क्लवका अध्यक्ष मिलन चालिसेले जानकारी दिनुभयो ।
क्लवले बृक्षारोपण लगायत बिभिन्न सामाजिक काम गरेर यस क्षेत्रमै छुट्टै पहिचान कायम गर्न सफल भएको छ । आगामी दिनमा पनि यसैगरी युवाहरुलाई सामाजिक काममा लगाउने अध्यक्ष मिलन चालिसेले बताउनु भयो ।
प्रतिक्रिया