वनस्पती उद्योगमा लागेको आगो नियन्त्रण बाहिर

पर्सा ।
पर्साको वीरगञ्ज नगरपालिका–२१ लिपनीविर्तामा रहेको सुशील वनस्पती तेल उद्योगमा लागेको आगो ९ घण्टासम्म पनि निभाउन सकिएको छैन ।
बिहान ३ बजेतिरै देखि लागेको आगो अझैसम्म पनि निभाउन नसकिएको हो । अहिले ५ ओटा दमकल र प्रहरीको सहयोगमा आगो निभाउने प्रयास भइरहेको प्रहरीले जनाएको छ । अहिले आगो निभाउने केमिकलको खोजी भइरहेको प्रहरीले जनाएको छ । आगलागीको कारण खुल्न सकेको छैन ।