ट्याक्सीले स्कुटरलाई ठक्कर दिँदा बबरमहलमा एकजनाको मृत्यु

काठमाडौँ ।
ट्याक्सीले स्कुटरलाई ठक्कर दिँदा काठमडौँको बबरमहलमा एक जनाएको ज्यान गएको छ ।
शनिबार बिहान दुई बजेतिर बा २ ज ११८८ नम्बरको ट्याक्सीले बा ८३ प ४०३५ नम्बरको स्कुटरलाई ठक्कर दिएको हो । दुर्घटनामा स्कुटरको पछाडि सबेका दीपक थापाको ज्यान गएको प्रहरीले जनाएको छ ।
थापा ओखलढुंगाको सुनकोशी गाउँपालिका ८ का बासिन्दा रहेको जनाइएको छ । दुर्घटनामा घाइते भएका स्कुटर चालक काभ्रेको पनौतीका रोहितसिंह ठकुरीको अन्नपूर्ण न्युरो अस्पतालमा उपचार भइरहेको छ ।