संखुवासभामा विप्लवका जिल्ला नेता पक्राउ

काठमाडौं ।
प्रहरीले संखुवासभाबाट विप्लव समूहका एक जिल्ला नेतालाई पक्राउ गरेको छ । असार १६ गते गोली चलेको स्थान नजिकै हाइला खोलाबाट निमा दोर्जी तामाङ पक्राउ परेका हुन् । उनीसँग एक नाल एसएलआर, म्यागजिन, एउटा एलएमजी म्यागजिन, ७.६२ एमएमको ११० वटा गोली, ३ मिटर तार र १३ राउण्ड खाली खोकासहित बरामद गरिएको प्रहरीले जानकारी दिएको छ ।
तामाङको साथबाट मोबाइल, डायरी र विप्लव समूहको पर्चा पनि बरामद गरेको छ । अहिले जिल्ला प्रहरी कार्यालय, संखुवासभाको हिरासतमा राखेर थप अनुसन्धान भइरहेको प्रहरी प्रधान कार्यालयका एसपी रमेश थापाले अनलाइनखबरलाई बताए । विप्लव समूहले त्यस क्षेत्रबाट ३ जना नेता कार्यकर्ता बेपत्ता भएको दाबी गर्दै आएको छ ।