कृष्णनगर उद्योग वाणिज्य संघको अध्यक्षमा गुप्ता विजयी

मायादेवी अनलाइन, कृष्णनगर ।
कृष्णनगर उद्योग वाणिज्य संघको अध्यक्षमा राम कुमार गुप्ता विजयी हुनुभएको छ । बुधबार दिउँसो भएको अधिवेशनबाट गुप्ता विजयी हुनुभएको हो । राती अवेर मतगणना सकिएर गुप्ता विजयी भएको घोषणा निर्वाचन समितिले गरेको थियो ।
गुप्ताले निवर्तमान अध्यक्ष गुरुशरण सिंहलाई हराउनुभएको हो । निर्वाचित गुप्ताले २२२ मत प्राप्त गर्नुभयो भने गुरुशरण सिंहले १७३ मत ल्याउनुभयो ।
संघको वरिष्ठ उपाध्यक्षमा नसिब हुसैन, उपाध्यक्ष रविन्द्र गुप्ता (पप्पु पेप्सी), सचिवमा पंकज गुप्ता विजयी हुनुभएको छ ।
कुल ७३१ मतदाता मध्ये ६५६ मत खसेको मतदान अधिकृत ओमप्रकाश अर्यालले जानकारी दिनु भएको छ । कृष्णनगर उद्योग वाणिज्य संघ कपिलवस्तुको पुरानो उद्योगीहरुको संगठन हो । भारतीय सिमावर्तीमा रहेको संघको आफ्नै सुविधा सम्पन्न भवन छ । संघको निर्वाचन हरेक पटक भोटिङ मार्फत हुँदै आएको छ ।