कपिलवस्तुका पौडेल अभिनित पञ्चे बाजा धुन सार्वजनिक (भिडियो) सहित

थानेश्वर अधिकारी, कपिलवस्तु ।
राष्ट्रिय लोक तथा दोहोरी गीत प्रतिष्ठान नेपाल जिल्ला शाखा कपिलवस्तुका सदस्य तथा मोडल सागर पौडेलले अभिनय गर्नुभएको पञ्चे बाजाको धुन बोलको गीत भर्खरै बजारमा आएको छ । बाणगंगा नगरपालिका वार्ड नं ६ भगलापुर निवासी पौडेल पछिल्लो चरणमा मोडलिङ्गको क्षेत्रमा राम्रै चर्चा कमाउन सफल हुनुभएको छ ।

सुनिल क्षेत्री र जमुना रानाको स्वर, बालानन्द गैरेको शब्द, यज्ञ सापकोटाको लय रहेको गीतमा प्रतिक बहादुर श्रेष्ठको छायांकन, नविन बिरही श्रेष्ठको निर्देशन रहेको छ । रञ्जिता लामा र सागर पौडेलको अभिनय रहेको सो गीत अकला देवीको प्रस्तुती रहेको उक्त गीतको दृश्य निर्माण सुसेली म्युजिक प्रा.लि.ले गरेको छ ।

तिम्रो रङ्गिन संसार बोलको गीतको म्युजिक भिडियो मार्फत कलाकारिता क्षेत्रमा प्रवेश गर्नुभएको पौडेलले अहिले सम्म जिम्माल बाउको नाती, यसपालीको तिजमा, सयौ जुनी लगायत करिव आधा दर्जन गीतमा मोडलिङ गर्नुभएको छ ।

सानै उमेर देखी मोडलिङ्ग क्षेत्रमा रुची राख्ने उहाँ प्रायः बिद्यालय गाउँघरमा हुने बिभिन्न खालका नृत्य प्रतियोगिताहरुमा आफ्नो प्रस्तुती राख्ने गर्नुभएको छ । सानै उमेर देखि कलाकारिता क्षेत्रमा साधनारत रहदै आउनु भएका उहाँमा अत्यन्त सरल र मिलनसार स्वभाव रहेको छ ।

निकट भविश्यमा पनी आफ्नो कलाकारिता क्षेत्रलाई निरन्तरता दिदै मोडलिङ्ग क्षेत्रमा अझ निखारता ल्याउने सोंच रहेको उहाँ बताउनु हुन्छ । अहिले कपिलवस्तु जिल्लामा थुप्रै अग्रज तथा अनुज कलाकारहरु रहेका छन् उहाँहरु आफ्नो कलाकारिता क्षेत्रमा अब्बल दर्जा हासिल गर्न निरन्तर साधनारत र संस्थागत हुन जरुरी देखिन्छ ।