कपिलवस्तुमा दुईवटा बस एक आपसमा ठोक्किए, ४० जना घाइते

मायादेवी अनलाइन, चन्द्रौटा ।
कपिलवस्तुमा दुई वटा बस एक आपसमा ठोक्किदा ४० जना घाईते भएका छन् । जिल्लाको शिवराज न.पा.१ चोरखोला स्थितमा पूर्वबाट पश्चिम तर्फ जादै गरेको ना ४ ख ९३२६ नं.को बस र बिपरित दिशा तर्फ आउदै गरेको ना ६ ख ९९१० नं. को बस एक आपसमा ठोक्किएको वडा प्रहरी कार्यालय चन्द्रौटाले जनाएको छ । दुबै बस एक आपसमा ठक्कर खादा दुबै बसमा सवार ५४ जना मध्ये ४० जना घाईते भएका छन् । सामान्य घाइते २० जनाको स्थानिय अस्पतालमा सामान्य उपचार पश्चात डिस्चार्ज भएको प्रहरीले जनाएको छ । यस्तै २० जनाको बुटवल स्थित चौराह अस्पतालमा उपचार भैरहेको जनाईएको छ ।