कपिलवस्तु बुद्धभूमिको चौवन्नपुरमा ट्रक र बस ठोक्किए, एकको मृत्यु, १५ जना घाइते

मायादेवी अनलाइन, जितपुर ।
कपिलवस्तुमा दुई सवारी साधन एक आपसमा ठोक्किदा एक जनाको मृत्यु भएको छ भने १५ जना घाइते भएका छन् । जिल्लाको बुद्धभूमि नगरपालिका वडा नं. ९ चौवन्नपुरमा ट्रक र बस एक आपसमा ठोक्किएका हुन् ।
मंगलबार पौने ३ बजेको समयमा पूर्बबाट पश्चिम तर्फ जादै गरेको ना ५ ख ६२६८ नं. को ट्रक र बिपरित दिशाबाट आउदै गरेको म १ ख ८२८ नं को बस एक आपसमा ठोक्किएका थिए । बसमा ४० यात्रु रहेपनि अन्यलाई केही नभएको प्रहरीले जनाएको छ ।
ठक्करबाट मुत्यु हुनेको परिचय खुलेको छैन् । अन्दाजी २५/३० बर्षीय पुरुष भएपनि उनको परिचय खुल्न नसकेको हो । दुर्घटनामा १४ जना घाईते छन् । घाइतेको विभिन्न अस्पतालमा उपचार भैरहेको छ ।
ट्रक चालक प्रहरीको नियन्त्रणमा छन् भने बसलाई ईप्रका गोरुसिंगेमा ल्याएको छ । यद्यपि ट्रक लोड भएको कारणले गर्दा ट्रक घट्नास्थलमा रहेको प्रहरीको भनाई छ ।
दुर्घटनामा घाइतेको विवरण
-कञ्चनपुर घर भएको ४२ बर्षीय गुण्डाराज भारती
-कञ्चनपुर भिमदत्त नगरपालिका ७ बस्ने ६६ बर्षीय भिम बहादुर कुवँर
-कञ्चनपुरकै २७ बर्षीय सह चालक चन्द्र बहादुर सुनार
-कञ्चनपुरका ३६ बर्षीय गणेश दत्त जोशी
-कञ्चनपुरका ४० बर्षीय नरेन्द्र खत्री
-कञ्चनपुर गोदावरी नगरपालिका २ का ३५ बर्षीय गंगा सिंह
-कैलाली धनगढी उपमहानगरपालिका ६ बस्ने ३० बर्षीय हेमराम तिमिल्सिना
-स्याङ्जा गल्याङ नगरपालिका ४ बस्ने ४० बर्षीय खेमराज न्यौपाने
-बर्दियाका ४० बर्षीय सुन्दरकली चौधरी
-दाङ लमही नगरपालिका ६ का २० बर्षीय प्रकाश ढुङगाना
-ट्रकको सह-चालक कञ्चनपुर गोदावरी नपा २ का २८ बर्षीय सुरेन्द्र बि.क.
-पाल्पा तानसेन नपा १ का ३५ बर्षीय माधव गौतम
-डडेलधुरा अमरगडी नपा २ बस्ने २५ बर्षीय श्याम कठायत
-दैलेख बिन्द्रासैनी नपा ८ बस्ने २४ बर्षीय पदम रिजाल