कपिलवस्तुमा लागु औषध सहित २ जना पक्राउ

मायादेवी अनलाइन, तौलिहवा ।

कपिलवस्तुमा लागु औषध सहित २ जना पक्राउ पक्राउ परेका छन् । जिल्लाको कृष्णनगर नगरपालिका र मायादेवी गाउपालिका बाट २ जना पक्राउ परेका हुन् । भारतबाट नेपाल तर्फ आउदै गरेका रुपन्देहिको सैनामैना नगरपालिका वडा नं ७ ढावा बस्ने १९ वर्षिय नबिन परियारलाई प्रहरीले कृष्णनगरबाट पक्राउ गरेको हो ।  शंका लागि चेकजाच गर्दा उनको साथबाट  नाईट्रोभेट ४ पत्ता, स्पास्मो १ पत्ता र इल्ट्ररिस लेखिएको १०० एमएल सहित  उनलाई नियन्त्रणमा लिएको प्रहरी उपरीक्षक दीप शम्शेर जबराले जानकारी दिनुभयो ।  अहिले उनको ईलाका प्रहरी कार्यालय कृष्णनगरमा राखि थप अनुसन्धान भइरहेको पनि उहाँले बताउनु भयो ।

कृष्ण नगरनगरपादिलका वडा नं २  लिङगेट स्थित नेपाल भारत सिमानामा अस्थायी प्रहरी पोष्ट लिङगेटबाट खटिएको प्रहरी ती युवकलाई पक्राऊ गरेको थियो ।

यस्तै मायादेवी गाउपालिका वडा नं ४ चाकरचौडा बाट पनि एक जना लागु औषधसहित पक्राउ परेका छन् ।  नेपाल भारत सिमानामा खटिएको  प्रहरी  चेकिङ टोलिले भारतबाट नेपाल तर्फ पैदल आउदै गरेका  मनखोरिया बस्ने २३ वर्षिय अबदुल आशिरलाई पक्राउ गरेको हो ।  उनलाई पनि शंका लागि चेक गर्दा उनको साथबाट वेन्पास्मो लेखेको १६ वटा क्याप्सुल फेला पारेको प्रहरीले जनाएको छ । अहिले उनीमाथि थप अनुसन्धान भइरहेको छ ।