नवलपरासी ।
नवलपरासीको कावासोतीमा ट्रकले मोटरसाईकललाई ठक्कर दिँदा दुई जनाको ज्यान गएको छ ।
सोमबार बिहान पूर्व पश्चिम राजमार्ग अन्तर्गत नवलपरासीको कावासोती ८ खरकट्टा जंगलमा लु २ ख १० नम्बरको ट्रकले लु ४८ प ३६२५ नम्बरको मोटरसाइकललाई ठक्कर दिँदा मोटरसाइकल चालक रुपन्देही देवदह नगरपालिका ७ का २७ वर्षीय मिलन भट्टराई र मोटरसाइकल पछाडी बस्ने ३३ वर्षीय तारा पोखरेलको मृत्यु भएको हो ।
दुर्घटनामा गम्भिर घाइते भएका दुवैजनाको उपचारको क्रममा कालिगण्डकी अस्पताल कावासोतीमा मृत्यु भएको प्रहरीले जनाएको छ ।
प्रतिक्रिया