वाणगंगाको मोतीपुरमा खुकुरी प्रहार, एक युवा गम्भिर घाइते

मायादेवी अनलाइन, वाणगंगा ।
कपिलवस्तुको वाणगंगा नगरपालिकाको मोतीपुरमा एक युवा माथि खुकुरी प्रहार भएको छ । नगरको वडा नं. ७ मोतीपुरमा खुकुरी प्रहार भएको हो । खुकुरी प्रहारबाट सोही स्थानका अमृत थारु घाइते भएको इलाका प्रहरी कार्यालय पिपराले जनाएको छ ।
सामान्य विवाद हुँदा थारु माथि बुद्धिराम सुनारले खुकुरी प्रहार गरेको प्रहरीले जनाएको छ । खुकुरी प्रहार गर्ने सुनार २२ बर्षीय उमेर समूहका हुन् भने थारु २० बर्षीय रहेको प्रहरीले जनाएको छ ।
खुकुरी प्रहारबाट थारूको टाउको र दाहिने कुममा गहिरो चोट लागेको छ । थारूलाई उपचारको लागि रुपन्देही पठाईएको प्रहरीले बताएको छ । खुकुरी प्रहार गर्ने सुनार प्रहरीको नियन्त्रणमा छन् ।