धादिङ जीप दुर्घटनामा ज्यान गुमाउनेको संख्या ५ पुग्यो

धादिङ ।
गल्छी गाउँपालिका वडा नम्बर ६, बाझगाउँमा यात्रु बोकेको जीप दुर्घटना हुँदा ज्यान गुमाउनेको संख्या ५ पुगेको छ ।
दुर्घटनामा घाइते भएकामध्ये गल्छी गाउँपालिका ४ की २१ वर्षीया सबिता अधिकारीको उपचारका लागि काठमाण्डौ लैजाँदै गर्दा बाटोमा ज्यान गएको जिल्ला प्रहरी कार्यालय धादिङले जनाएको छ । दुर्घटनामा गल्छी गाउँपालिका वडा नम्बर ४ का ३८ वर्षीय राजु रम्तेल, ३२ वर्षीय सेते मिजार, वडा नम्बर ६ की ३० वर्षीया कान्छी भुजेल र २५ वर्षीया नानु तामाङको घटनास्थलमै ज्यान गएको थियो ।
प्रहरीका अनुसार स्थानीय कार्कीडाँडाबाट खचाखच यात्रु र तरकारी हालेर बैरैनी बजारतिर आउँदै गरेको बा १८ च ९४०८ नम्बरको जीप शुक्रबार १२ बजे कच्ची सडकबाट पल्टिएर दुर्घटना भएको थियो ।